朝代歲月匆匆（三）
(2009-10-03 08:05:48)
玉兔正當頭，你看姮娥舒廣袖呀！
人間清月夜 ，廣寒宮闕散溫柔。
夢到水雲鄉， 風動竹簾吹嫩柳；
雖是博學經綸，又有幾人參透！
霽月高懸，不覺時已初更；適才夢到瑤宮，寶殿通明，玉女調箏，仙姬漫舞，何其逍遙自在！
正是：「不還天上仙神侶，相逢拂袖透清幽。」呀！
彥如兄！
啊！德泉兄！咩你都未瞓呀？
啊！我瞓唔著，出來行吓啫。
喺呢彥如兄，咁你做咩都未瞓呀？
啊！我本應瞓咗架嘞！因為頭先發夢去咗天宮，後來風吹竹響，我醒咗啫！
啊！原來喺咁！
喺呢彥如兄，今次赴試秋闈，你有冇把握咁呀？
德泉兄，我雖未可說成竹在胸，但都運籌有數呀！
啊！咁就好嘞！咁我先祝你：「蟾宮折桂，獨佔鰲頭！」
「十載寒窗經苦讀，簪花上苑第一流；
他朝朱紫立當朝，得報親恩願拜皇天佑呀呀！」
德泉兄，今日我路過竹園，見有一丫環小姐，素手攜鋒，刻樹題紅，我暗藏樹後觀看，想箇中必有玄機，不如我哋：「信步園中去，一探甚因由。」
好呀！咁我哋行嘞！
..................................................................
噫！邊棵竹樹先喺呢？
彥如兄！喺呢棵呀？
啊！德泉兄，你真喺好眼嘞！
有字喎，彥如兄！
啊！喺呀！喺呀！
梗喺今日丫環姐刻上去架嘞，睇吓佢寫咩先至得？
「身如玉鳥被籠囚，欲到天涯淚不收；
梨花飄泊魂無主，竹底埋香.........
唉吔.....................
恨未休呀!!!」
唉！
「篆跡文蹤露因由，竹樹暗埋嬌翠袖！疑是脂紅題柳葉，卻原是芳塚霧煙浮。嘆一句香銷玉殞人，悼一語魂離新鬼後，願圖他日破陰謀，冰釋冤仇療故舊。」
彥如兄！唔好多管閒事嘞，我哋都喺走吧啦！
夜嘞！行啦...........................
唔得！我一定要查明真相先至得.....................