體光照片
(2009-06-08 19:55:46)
标签：
紵麻蘭若 文化
分类：
慧岸明燈文集
有師兄問起照體光相的事情，記得我多年前都去照過一張，都幾貴！好奇心驅使下，去看看新科技罷了。
影出來張相全身都被玫瑰色紅光罩住，店員還不斷解釋什麼光表示身體及心靈什麼情況，現在已煙消雲散，不記得了。你一定想知準唔準？
其實體光千變萬化，隨心情轉換，一小時前同一小時後影出的相，色光已經唔同晒，而解釋的人對人體色光學理的認識有幾深，則各人不同。
猶如求簽，你問自身出第21號簽，假若我問前程，可能都會同樣出番21號，咁樣，就要睇解簽人功力！
而且修行人體光，包括其他的正教修行者，其體光就唔可以作一般解釋，六凡生死法界有7色光明，佛菩薩亦有7色、千色萬色光明，大家都有紅綠藍色光，一種是生死輪迴光，一種是涅槃解脫光。
點解唔同？因為雖然同色，但彼此光明頻率就唔同，其實頻率高低唔同，色光自然有大分別，只是有時用人肉眼好難辨認之故，若靠機器，亦有失準時候。
照光相，的確可預示一般短時間內的身心狀況，但如深切了解光由心生，亦相由心生的道理，但行好事、但專修行，最寶貴的心光，便當堂堂獨露而超於日月。