常觀世音的博客

等好耐，終於輪到拾得出場啦！

「寒山住寒山，拾得自拾得；凡愚豈見知，豐干卻相識。見時不可見，覓時何處覓；借問有何緣，向道無為力。」

寒山梗住響寒山，拾得係豐干禪師響街邊執一個細路仔，執到時候已經有十幾歲，凡夫愚者又點會見到我，知道我係邊！？豐干禪師就知道明白呢，問佢啦。

要見我時候，當然無得俾你見；要搵我時候，你又試吓搵唔搵得到？搵得到，比個錢你買紅棗。

有甚麼因與緣可以如此犀飛利呢？告訴你啦！就一心向道，修成無為力量。

無為力由無為心而生；無為心，即無住生心。無為就自然無念、無作、無住、無相、無體，即《金剛經》證境。

唔明？再研究壇經啦。

豐干口多，揭穿寒山拾得身世，寒山拾得都照釋迦佛《首楞嚴經》遺訓做──「喱埋」！

咁點解豐干禪師又可以知道呢？

好簡單，因為豐干都係同一族人，「阿彌陀佛」化身。

有個細路企響街邊，無父無母，豐干問佢姓乜？佢話：「冇姓」；問佢住邊？佢話冇屋企，咁仲有得選擇？咪唯有收留佢囉。

普賢菩薩，認真神通妙用，弟子一心敬禮！